Kwok Shing's space

Surprise!?

Sun, 15 Jul 2007 15:26:27 GMT

近期看了不少體育大賽, 結果都可以預期.. 費達拿勝拿度, 南美盃決賽--巴西對阿根廷.. 一點 surprise都沒有．．　我有看電視”學警出更”最後２集，舊瓶新酒.. 一點 surprise都沒有．．　我有看電影die hard 4，好睇是好睇，亦是近期看電影的不二之選，毫無悶場，也有笑位，觀眾拍爛手掌，連贈劵都唔用得．　不過　一點 surprise都沒有．．　

但最近，當我知道一對相識十六年既同學（一男一女），經常”拍晒膊頭”稱兄道弟，互訢心事．今天，竟然今天先宣佈正式成為對方既一另一半．我先知道surprise 既真正意義所在．佢地認識十六年先走埋一齊，相信已有不少共識，但係我估佢地唔會再咁快俾多一次surprise我ｇｗａ！

舊同學叙會

Thu, 26 Apr 2007 02:43:16 GMT

社會名流，喜歡年年組織港大當年同學的舊，互說當年校園的臭事，你作弄我，我暗戀他，非常的哀樂中年。
然而少年兒童令人羨慕的一樣，是他們從來沒有「往事」。
往事不論如煙，還是只能回味 ，人有了往事，就註定不會快樂。往事如果悲涼的，就成為今天的傷痕；往事如果歡樂，更映照今天的落寞。
往事是回憶，也是包袱。但八歲的小孩，總喜歡問父母：小時候我是不是很愛看圖書？這齣電影，小時候我看過的，對嗎？所謂小時候，指的是他三歲那一年。對於兒童，從三歲成長到八歲，感覺地久天長，但對父母才一晃眼，只是昨天的事。

饑饉三十

Wed, 18 Apr 2007 14:34:16 GMT

三十個鐘可以做的"勿"?? 原來可以體驗無啖好食, 無覺好訓既生活. 玩完後真係要訓番幾日先夠皮!!

但想到幫到非洲小童, 都覺得有意義.

回想起兩日內有歌星, 有遊戲, 完全唔可以話捱緊. 仲可以俾我"了"出去睇波.. 節目ok得黎意義都有... 一個字, good...

不過以我地既年紀, 真係想唔俾人叫大哥哥, 大姐姐都唔得. 個個都只係中學生黎... 想識個朋友都難..... aiiiiiii

頹

Wed, 11 Apr 2007 04:10:37 GMT

昨天凌晨3點同2名好友揸車出太子睇波, 結果曼聯大勝羅馬7:1, 表現被"費爺"形容為完美, 近20年歐洲賽代表作. 真係令我鬆一口氣, 皆因開波前曼聯1:2落後而又有好多主力唔踢得. 但最後令到羅馬王子"托迪"無聲出, 只可用以實力取勝描述.

當然, 我都好似王子一樣咁"頹", 因為差唔多無得訓就要返工..

冷氣

Tue, 10 Apr 2007 15:39:34 GMT

冷氣.. 盛惠$3,900.. 埋單.. 每人$12,xxx.

ok, 話晒都接近夏天, 無冷氣唔通用d汗洗車咩.

有人笑我"新牌仔", 唔敢坐我車 - 我話唔緊要, 無信心真係唔好坐. 因為有時我都會因為呢的人攪到自己無信心...

MU2861

Mon, 09 Apr 2007 14:56:04 GMT

MU2861, 係人都知係車牌. 無錯!! 我已經出o左我第一部車, 同一個friend擁有一架BMW. 雖然係92年車, 不過都新淨, 對一過新手來"操"車已經好ok. 仲有, 車平, car park 平, 兩個字 "好彩".

考3次先合格既我有得揸車實在太興奮, 有太多地方想去.. "但係好多都唔識去". 唯有係沙田練一練. 大家無事就唔好經過, 尢其是wk end.

仲有, 原來mu2861車牌可以賣到"5000"!! 最衰我鍾意曼聯, SHIT..

聖誕節又到

Wed, 06 Dec 2006 15:46:40 GMT

估唔到我第一篇blog的回響咁大, 個個問我有無事. (其實連護士姐姐都問我咁健康做咩去check)

結果報告出左, 呢次無事. 點解咁講? 因為我下年一月會再去檢查多次, 如果到時都無事先算ok.

呢兩個星期都有去行山, 先後去左沙田坳道同西貢, 各有特色, 有山有水, 真係唔錯.

如果長期有伴去行山, 都不失為一個好節目, 因為除左行山, 我而家學人玩影相, 可以一路行, 一路影.

反而呢期最大問題係聖誕節唔知有咩好玩, 真係唔想係屋企訓覺.

唔該大家提意一下.

運滯的一天

Tue, 21 Nov 2006 18:52:07 GMT

第一次寫blog, 竟然是在凌晨2點幾!! 原因不是我未訓, 而是訓唔著.

訓唔著可能是近期訓得太多, 更可能是因為太多東西想.

剛剛從醫院出來, 因為報告還未出, 還不知身體有沒有問題. (不過比較緊要是屋企人ok)

剛剛成為阿叔, 但自己還未有另一半.

剛剛有了目標, 但目標竟在一星期內已消失.

慶幸是我自覺, 自覺不能想得太灰.

我想我要正面一點, 找尋自己新的一頁.

(噢, 寫上面篇blog竟花了我接近半個小時, 有無搞錯!)